நீண்ட நாட்களின் முன் எழுத நினைத்தது: Joan of Arcadia என்று ஒரு தொலைக்காட்சித் தொடர் எனது அபிமானத்துக்குரியாதாய் இருந்தது. அதன் அடிப்படை கதையோட்டம் வேடிக்கையானதுதான்: ஒரு பதினாறு வயதுப் பெண்ணுடன் கடவுள் வேறு வேறு உருவங்களில் வந்து பேசுவார்; சில வேலைகளைச் செய்யச்சொல்லி பணிப்பார். தொடரின் கதையோட்டம் சிறுபிள்ளைத்தனமானதாக இருந்தாலும் அந்தத் தொடர் அப்படியல்ல. தொடரின் உருவாக்குனரும் எழுத்தாசிரியரும் இந்தக்கதையை வைத்துக் கொண்டு மனித இனத்தினதும் சமுகத்தினதும் வேறு வேறு அம்சங்களையும் அவலட்சணங்களையும் அலசி ஆராய்ந்திருந்தனர். என்னை சிந்திக்க, சிரிக்க, ஏன் அழ வைத்த ஒரு தொடர் இது. முதலாவது பாகத்தில் Golden Globe விருதுக்கு சிபாரிசு செய்யப்பட்ட இந்தத்தொடர், இரண்டாவது பாகம் முடிந்ததோடு துண்டிக்கப்பட்டது (கதை முடியும் முன்னர்)!!
காரணம்? ரசிகர் தொகை கவர்ச்சிகரமாக இல்லையாம்!! இத்தொடரின் ரசிகர் கூட்டத்தில் ஒரு முக்கியமான தரவு என்னவெனின், அந்தக் கூட்டத்தின் சராசரி வயது 53ஆம்!!! இப்படியான ஒரு ரசிகர் கூட்டத்தில் நானும் ஒருவன் என்று சொல்லிக்கொள்ள தயங்குவதா, அல்லது இத்தொடரை விட இளஞ்சமுதாயம், reality show என்னும் வகையான மூளையற்ற தொடர்களில் லயித்திருப்பதை எண்ணி வேதனைப்படுவதா என்று தெரியவில்லை! இதைவிட வேடிக்கையான தகவல் என்னவென்றால், Joan of Acardiaவின் இடத்தை நிரப்ப தேர்ந்தெடுக்கப்பட்ட தொடரின் அடிப்படைக் கதை ஒரு இளம்பெண் பேய்களுடன் கதைப்பது...!! CBS தொலைக்காட்சியின் நம்பிக்கை என்னவெனின் இளஞ்சமுதாயம் கடவுளுடன் கதைப்பதைவிட பேய்களுடன் கதைப்பதை விரும்பி வரவேற்பார்களாம்!!!
2 comments:
I wached the movie. The john of Arc. Its really nice. But I hate the end. That girl was killed by set fire on her. Horrible.....
John of Arc and John of Arcardia are different - the first one is a movie, the second is a TV serial. I agree with you in your comment about John of Arc. However, that is a true story. After many years (probably a century), John of Arc was given the Saint title.
Post a Comment