காதலர் தினத்தில் மட்டும் திடீரென்று என்னவென்றுதான் அப்படி காதல் உணர்வு முகிழ்க்கின்றதோ எனக்கென்றால் புரியவில்லை - பூச்செண்டுகளும், அரவணைப்புகளும், பகிரங்க முத்தங்களுமாக... என்னவோ மக்கள் மகிழ்ச்சியாய் இருந்தால் சரிதான்!
சரி, அது இருக்க, காதாலர் தினமன்று ரயிலில் வரும்போது ஒரு பெண் ஒரு புத்தகம் படித்துக்கொண்டிருந்தார் - புத்தகத்தின் பெயர்: Wedding For Dummies!!! நான் அவ்விடத்தில் வாய்விட்டு சிரிக்காதது பெரிய விடயம்! இப்படியெல்லாம் புத்தகம் எழுதுகிறார்கள் என்ற விடயத்தைவிட, புத்தகத்தின் தலைப்பில் இருந்த இரு அர்த்தம்தான் மிகவும் வேடிக்கையாக இருந்தது. சற்றே எட்டிப்பார்த்தேன், அவர் படித்துக்கொண்டிருந்த அத்தியாயத்தின் பெயர்: who you gonna invite...? (ஆ, கடவுளே...!)
